Վրաստանն ուշադիր հետևում է Ուկրաինայում ընթացող գործընթացներին: Մենք մշտական ​​կապի մեջ ենք մնում մեր ուկրաինացի գործընկերների, ինչպես նաև մեր գործընկեր երկրների և կազմակերպությունների հետ,- ասվում է Ուկրաինայում Վրաստանի դեսպանատան հաղորդագրությունում։

Դեսպանատան հաղորդմամբ, հաշվի առնելով Ուկրաինայում իրավիճակի հետագա սրման մեծ հավանականությունը, Կիևում Վրաստանի դեսպանատունը և Օդեսայում և Դոնեցկում գլխավոր հյուպատոսությունները աշխատում են արտակարգ ռեժիմում։

Ուկրաինայի տարածքում Վրաստանի քաղաքացիների համար գործում է թեժ գիծ +380 (63) 376 77 68, +380 (93) 761 17 17, (093) 544 01 47: Միևնույն ժամանակ, Վրաստանի դիվանագիտական ​​ներկայացուցչությունները մշտական ​​կապի մեջ են տեղում գտնվող Վրաստանի քաղաքացիների հետ և կոչ են անում հաշվի առնել ստեղծված ծանր անվտանգության միջավայրը»,- ասված է հաղորդագրությունում։

Ռուսաստանի նախագահ Վլադիմիր Պուտինը հայտարարել է Դոնբասում ռազմական գործողություն սկսելու մասին։ Ուկրաինայի մի քանի քաղաքներում պայթյունների ձայներ են լսվում: Վոլոդիմիր Զելենսկին Ուկրաինայում ռազմական դրություն է հայտարարել: