Վրաստանի Ազգային գվարդիա է այցելել ԱՄՆ Ջորջիա նահանգի Ազգային գվարդիայի հրամանատարը
ԱՄՆ Ջորջիա նահանգի Ազգային գվարդիայի հրամանատարն այցով է Վրաստանում։
Այցի շրջանակներում գեներալ-մայոր Թոմաս Կարդենն այցելել է Ազգային գվարդիա։ Ամերիկացի գեներալին հյուրընկալել է Ազգային գվարդիայի ղեկավար, բրիգադային գեներալ Ռոման Ջոխաձեն։
Հանդիպմանը կողմերը քննարկել են ռեզերվների մոբիլիզացման և համալրման առումով նախատեսվող փոփոխություններն ու հետագա համագործակցության ծրագրերը։
Ջորջիայի Ազգային գվարդիան ԱՄՆ Ջորջիա նահանգի Ազգային գվարդիայի հետ համագործակցում է 1993 թվականից։ Համագործակցությունը նպատակ ունի կիսել մասնագիտական գիտելիքներն ու փորձը:
Տեղեկությունը տարածում է Վրաստանի պաշտպանության նախարարության մամուլի ծառայությունը։