Վրաստանի Առաջին ալիքի լուսանկարիչ Իրակլի Գեդենիձեն հարցաքննվում է Հատուկ քննչական ծառայությունում
Վրաստանի Առաջին ալիքի լուսանկարիչ Իրակլի Գեդենիձեն հարցաքննվում է Հատուկ քննչական ծառայությունում։
Գեդենիձեն վիրավորվել է Ռուսթավելի պողոտայի մոտ բողոքի ակցիաների ժամանակ։
«Ինչպես ինձ պարզաբանեց Հատուկ քննչական ծառայության քննիչը, ես հայտնվել եմ ժողովրդական պաշտպանի ծանուցման մեջ։ Հիմա եկել եմ հարցաքննվելու և ամեն ինչ պատմելու եմ՝ ինչ և ինչպես է եղել։ Ամեն ինչ հեռարձակվել է ուղիղ եթերում և արտացոլվել տեսագրություններում։ Հանրահավաքի ժամանակ չպայթած պիրոտեխնիկան ընկավ իմ ոտքերի տակ, ես փորձեցի խուսափել դրանից, երբ այն պայթեց։ Ձախ ոտքիս հարված զգացի, այլեւս չկարողացա քայլ անել ու ընկա բարձր տեղից։ Ինչպես տեսա կադրերում, ինձ օգնության էին եկել հանրահավաքի երկու մասնակից, ինչպես նաև լրագրողներ, որոնք շրջապատում էին։ Շատ շուտով շտապօգնության բժիշկները օգնություն ցուցաբերեցին և առաջարկեցին ինձ տեղափոխել կլինիկա, ինչից ես հրաժարվեցի, քանի որ, փաստորեն, ոտքիս զգայունությունը վերադարձավ, և ես շարունակեցի նկարահանումները»,- ասել է Իրակլի Գեդենիձեն։
Առաջին ալիքի ֆոտոլրագրող Իրակլի Գեդենիձեն դեկտեմբերի 1-ին աշխատում էր «Թբիլիս Մարիոթ»-ի հարևանությամբ, երբ վնասվել էր։
Հատուկ քննչական ծառայությունը քննում է լրատվամիջոցների ներկայացուցիչների մասնագիտական գործունեությանը միջամտելու և նրանց վրա հարձակումների դեպքերը։