Վրաստանը «Ֆորբս»-ի լավագույն յոթնյակում: Ազդեցիկ հրատարակությունը հրապարակել է հետկորոնավիրուսային աշխարհում զբոսաշրջության ամենամեծ ներուժ ունեցող երկրների ցուցակը: «Զբոսաշրջության վեր հառնող աստղեր: Այս յոթ երկիրը հնարավորություն ունի դառնալու հետկորոնավիրուսային ​​աշխարհում հիմնական տուրիստական ​​ուղղությունները»: «Ֆորբս»-ի լավագույն յոթնյակում Վրաստանը Սլովենիայի, Թունիսի, Եթովպիայի, Մյանմարի, Ֆիլիպինների և Իրանի հետ է հայտնվել:

«Աննախադեպ անկման ֆոնին գլոբալ տուրիզմը պայքարում է գոյատևման համար: Այս ֆոնի վրա աշխարհի շատ երկրներ պատրաստվում են միջազգային զբոսաշրջային մեկնարկին, դա տեղի կունենա հենց այն ժամանակ, երբ թուլատրվի ճանապարհորդությունը: Որոշ երկրների համար սա տարածաշրջանային զբոսաշրջային վայր դառնալու առաջին հնարավորությունն է, սակայն որոշ երկրներ այժմ դառնում են համաշխարհային մակարդակի տուրիստական ​​ուղղություններ», – գրում է «Ֆորբս»-ի լրագրող Ջարիդ Ռանահինը:

«Վրաստանը հաճախ շփոթում են Դեղձի (Ջեորջիա) նահանգի հետ, Վրաստանը Կովկասի տարածաշրջանում ձևավորվում է իդեալական տուրիստական ​​ուղղություն: Ճանապարհորդությունը սկսեք մայրաքաղաքից: Այս հետաքրքրաշարժ քաղաքը հնագույն եկեղեցիների և քարե սալապատ հին թաղամասերի հայրենիքն է: Ճանապարհորդելիս բաց չթողնեք Վրաստանի բնական գեղեցկությունը և փոքր քաղաքները: Անհապաղ համտեսեք վրացական գինին: Վրաստանն աշխարհի գինու հնագույն տարածաշրջաններից մեկն է: Հարուստ և հանրաճանաչ վրացական գինու պատմությունը ութ հազար տարեկան է», – գրել է «Ֆորբս»-ի լրագրողը:

Տեղեկությունը հաղորդում է Զբոսաշրջության ազգային վարչությունը:

Հեղինակ՝  Անժելլա Սարոյան