Ուֆայի նավթավերամշակման գործարանում հրդեհ է բռնկվել
Ուֆայի նավթավերամշակման գործարանում հրդեհ է բռնկվել, հայտնում է Ռուսաստանի Արտակարգ իրավիճակների նախարարության տարածաշրջանային վարչությունը։
Արտակարգ իրավիճակների նախարարության հաղորդմամբ՝ հրդեհը բռնկվել է այրման գործարանի մոտ։
Նախարարությունից հայտնում են, որ գործարանի մոտ գտնվող բնակավայրերի բնակիչներին վտանգ չի սպառնում։ Օդի որակը վերահսկելու համար վայր է ուղարկվել լաբորատորիա:
Telegram-ի ալիքներով շրջանառվող լուրերի համաձայն՝ գործարանում պայթյուն է տեղի ունեցել, որից առաջ «քաղաքացիները լսել են անօդաչու թռչող սարքերի ձայնը»։ Պայթյունի ցնցումները զգացվել են նաև դեպքի վայրին մոտ գտնվող տներում։ Նրանց տեղեկություններով՝ հրդեհը տարածվել է 100 քմ. տարածքի վրա: Զոհերի մասին տեղեկություններ չեն հաղորդվում։
Հրդեհի բռնկումից մի քանի ժամ անց Բաշկիրիայի արտակարգ իրավիճակների վարչությունը հայտարարեց, որ հրդեհի օջախները տեղայնացվել են։
Ի գիտություն, Ուկրաինան վերջին անգամ անօդաչու սարքերով հարվածել է ռուսական նավթավերամշակման գործարանին փետրվարի 24-ին։ Այնուհետեւ անօդաչու սարքերով հարձակվել են Ռյազանի նավթավերամշակման գործարանի վրա։