Վոլոդիմիր Զելենսկին հայտարարում է, որ աջակցում է Ռեջեփ Թայիփ Էրդողանի առաջարկին՝ կազմակերպել Ուկրաինայի, Ռուսաստանի, Թուրքիայի և ԱՄՆ առաջնորդների հանդիպում
Ուկրաինայի նախագահ Վոլոդիմիր Զելենսկին հայտարարել է, որ աջակցում է Թուրքիայի նախագահի առաջարկին՝ կազմակերպել Ուկրաինայի, Ռուսաստանի, Թուրքիայի և ԱՄՆ առաջնորդների հանդիպում: Զելենսկին այս հարցի մասին խոսել է լրագրողների հետ Zoom-ի միջոցով անցկացված զրույցի ժամանակ:
Ըստ Ուկրաինայի նախագահի՝ ինքը հեռախոսով զրուցել է իր թուրք գործընկերոջ հետ:
«Նա հարցրել է, թե ինչպիսին կլինի իմ վերաբերմունքը, եթե տեղի ունենա չորս առաջնորդների՝ իր, ԱՄՆ նախագահի, Պուտինի և իմ հանդիպումը: Ես նրան ասել եմ, որ ես աջակցում եմ առաջնորդների մակարդակով հանդիպմանը, քանի որ ինձ թվում է, որ մեր հանդիպման առանց հրադադար չի լինի», – ասել է Զելենսկին:
Նշենք, որ Ռուսաստանի և Ուկրաինայի պատվիրակությունների միջև հանդիպումից հետո Թուրքիայի նախագահը առաջարկել է Թուրքիայում անցկացնել Վլադիմիր Պուտինի, Դոնալդ Թրամփի և Վոլոդիմիր Զելենսկու գագաթնաժողով: