Դմիտրի Պեսկով. Եվրոպան դժվարանում է որոշել, թե ով է խոսելու իր անունից խաղաղության բանակցություններում
Կրեմլը հայտարարում է, որ Եվրոպան դժվարանում է որոշել, թե ով է խոսելու իր անունից խաղաղության բանակցություններում։
Կրեմլի խոսնակ Դմիտրի Պեսկովը հայտարարել է, որ վաղ թե ուշ անհրաժեշտ կլինի խոսել եվրոպացիների հետ փոխադարձ անվտանգության ապահովման մասին։
«Ինչպես տեսնում ենք, նրանք դեռ չեն կարողանում որոշել, թե ով կարող է խոսել իրենց անունից», – ասել է Կրեմլի խոսնակը։
Միևնույն ժամանակ, Պեսկովը նշել է, որ Մոսկվան և Վաշինգտոնը պահպանում են դրական վերաբերմունք և պատրաստ են շարունակել մարդասիրական աշխատանքները։
«Իհարկե, սա շատ դրական հանդիպում է, և գլխավորն այն է, որ պահպանվի դրական վերաբերմունքը և նման մարդասիրական աշխատանքները շարունակելու պատրաստակամությունը», – ասել է Պեսկովը։
Նա նաև ասել է, որ Կրեմլը դեռևս տեղեկություններ չունի ԱՄՆ նախագահ Դոնալդ Թրամփի և Ռուսաստանի նախագահի հատուկ ներկայացուցիչ Կիրիլ Դմիտրիևի միջև հանդիպման արդյունքների մասին։