Ուկրաինայի նախագահ Վոլոդիմիր Զելենսկին ասում է, որ ուկրաինական պատվիրակությունը ներկայացրել է ամբողջական զեկույց Միացյալ Նահանգների և Ռուսաստանի ներկայացուցիչների հետ եռակողմ հանդիպումներից հետո։

«Այսօր մեր պատվիրակությունը ներկայացրել է ամբողջական զեկույց։ Երկարատև ընդմիջումից հետո մենք կրկին հանդիպել ենք ամերիկացիների և ռուսների հետ։ Մեզ հաջողվել է քննարկել ավելի ռազմական բնույթի տարբեր հարցեր՝ պատերազմը դադարեցնելու քայլեր, իրական վերահսկողության և մոնիթորինգի հարցեր», – ասել է Զելենսկին ամենօրյա տեսաուղերձում։

Ինչպես նա բացատրել է, թիմերը պետք է կրկին հանդիպեն կիրակի օրը, չնայած, ըստ Ուկրաինայի նախագահի, լավ կլիներ, եթե այս բանակցությունները տեղի ունենային ավելի վաղ։

«Ուկրաինան հնարավորինս պատրաստ կլինի բոլոր այն հարցերի համար, որոնք պետք է քննարկվեն և համաձայնեցվեն։ Ուկրաինան միշտ կանգնած է եղել և կկանգնի խաղաղության կողմում։ Այս պատերազմի շարունակության համար միակ պատասխանատու կողմը Ռուսաստանն է», – նշել է Զելենսկին։