Իսրայելի խորհրդարանական ընտրություններում Կատարի, Թուրքիայի և այլ երկրների հնարավոր միջամտության հետաքննությանը կներգրավվի արտաքին հետախուզական ծառայությունը
Երկրի արտաքին հետախուզության ծառայությունը պետք է ներգրավվի Կատարի, Թուրքիայի և այլ երկրների կողմից Իսրայելի խորհրդարանական ընտրություններին հնարավոր միջամտության հետաքննությանը։
Իսրայելի «Channel 12»-ը, առանց իր աղբյուրը նշելու, հաղորդել է, որ հետախուզական ծառայությունը՝ «Շին Բեթ» անվտանգության ծառայության հետ համատեղ, հետաքննում է ենթադրյալ արտաքին միջամտությունը. կան կասկածներ, որ այդ միջամտությունը գալիս է ոչ միայն Կատարից, այլև այլ երկրներից։
Մեղադրանքները վերաբերում են արաբ ընտրողներին վճարելու փորձին, որը, ենթադրաբար, նպատակ ուներ մեծացնել նրանց մասնակցությունը երեքշաբթի օրը ընտրատեղամասերում։ Իսրայելի Կենտրոնական ընտրական հանձնաժողովը բազմիցս հայտարարել է, որ հետաքննության շրջանակը սահմանափակ է, և որ ընտրությունների արդյունքները կասկածի տակ չեն։
Դոհան և Անկարան հերքել են բոլոր մեղադրանքները, որ իրենք ներգրավված են եղել քվեարկության վրա ազդելու փորձի մեջ։