Վոլոդիմիր Զելենսկի – Ես շնորհակալ եմ Ռեջեփ Թայիփ Էրդողանին իր աջակցության և դիվանագիտությունը ամենաբարձր մակարդակով առաջ մղելու պատրաստակամության համար։ Մենք ունենք ընդհանուր տեսլական հրադադարի անհրաժեշտության վերաբերյալ
Ուկրաինայի նախագահ Վոլոդիմիր Զելենսկին հայտարարել է, որ հեռախոսազրույց է տեղի ունեցել Թուրքիայի նախագահ Ռեջեփ Թայիփ Էրդողանի հետ՝ քննարկելու Թուրքիայում նախատեսված հանդիպման կարևոր մանրամասները։
«Ես շնորհակալ եմ նրա աջակցության և ամենաբարձր մակարդակով դիվանագիտությունը խթանելու պատրաստակամության համար։ Մենք ընդհանուր տեսակետ ունենք հրադադարի անհրաժեշտության վերաբերյալ», – գրել է Զելենսկին սոցիալական ցանցերում։
Ուկրաինայի նախագահի խոսքով՝ կարևոր է, որ գործընկերները ապահովեն հրադադարի մոնիթորինգը։
«Մենք պատրաստ ենք Պուտինի հետ ուղիղ բանակցությունների։ Կարևոր է, որ մենք շարունակենք համատեղ աշխատել Եվրոպայում՝ երկարաժամկետ անվտանգության երաշխիքներ ապահովելու համար։ Մենք մշտական կապի մեջ կմնանք Միացյալ Նահանգների հետ։ Նախագահ Էրդողանի հետ համաձայնության եկանք, որ կշարունակենք մեր համատեղ ջանքերը՝ խաղաղությունն ապահովելու համար», – նշեց Ուկրաինայի նախագահը։