Ուկրաինայի նախագահ Վլադիմիր Զելենսկին «Կամավորների կոալիցիայի» հանդիպումից հետո հայտարարել է, որ այս օրը հատկապես կարևոր է Ուկրաինայի համար։

Նախագահը շնորհակալություն է հայտնել բոլոր գործընկերներին աջակցության և օգնությունը շարունակելու պատրաստակամության համար։

«Այսօր բոլոր գործընկերները հաստատել են, որ հաջորդ տարի կշարունակեն աջակցել Ուկրաինային, հատկապես ֆինանսական աջակցության հարցում, որը կարևոր նշանակություն ունի», – նշել է Զելենսկին։

Զելենսկիի խոսքով՝ Ճապոնիայի նոր վարչապետն առաջին անգամ միացել է «Կամավորների կոալիցիային»։ Բացի այդ, Ուկրաինայի նախագահը ուշադրություն է հրավիրել Ուկրաինայի էներգետիկ համակարգի վրա Ռուսաստանի կողմից շարունակվող հարձակումների վրա։

Վոլոդիմիր Զելենսկին անվանել է պաշտպանության հիմնական առաջնահերթությունները։

«Այսօր մենք մեր գործընկերների հետ մանրամասն քննարկել ենք համակարգերը։ Կարևոր է, որ մեր գործընկերները կենտրոնանան առավել գործնական և արդյունավետի վրա», – նշել է Ուկրաինայի նախագահը։

Միևնույն ժամանակ, Վլադիմիր Զելենսկին ընդգծել է, որ ճակատը լուրջ ուշադրության կարիք ունի։

Ըստ Ուկրաինայի նախագահի՝ դիվանագիտությունը կարևոր է միայն այն դեպքում, երբ այն կարող է հանգեցնել իրական, անկեղծ լուծումների։

«Մենք պետք է ճնշում գործադրենք ոչ միայն «Ռոսնեֆտի» և «Լուկոյլի», այլև բոլոր ռուսական նավթային ընկերությունների, ինչպես նաև ստվերային նավատորմի և դրա ենթակառուցվածքների, ռուսական նավթային տերմինալների վրա», – ասաց Զելենսկին։