Ոչ մի քաղաքական գործիչ իրեն թույլ չի տա, Դավիթ Գարեջիի գործով կայացնել որևէ որոշում, հետևաբար այս հարցը մեր կողմից չի քննարկվում. Արչիլ Թալակվաձե
Մենք գտնում ենք, որ բանտարկության հետ կապված հարցերի վերաբերյալ որոշումները չեն կայացվում քաղաքական գործիչների միջև: Խորհրդարանը այն վայրը չէ, որտեղ որոշվում է, թե ով պետք է լինի բանտարկության մեջ և ով ոչ: Սա արդարադատության հարց է, – այս մասին հայտարարել է խորհրդարանի նախագահ, Արչիլ Թալակվաձեն:
Ըստ նրա, Դավիթ Գարեջիի գործը ազգային նշանակության հարց է, որի կապակցությամբ հարցերին պետք է օբյեկտիվորեն պատասխանել:
«Երեկ մենք տեսանք շատ լուրջ նոր ապացույցներ, որոնք էլ ավելի լուրջ կշիռ են տալիս այս գործի վերաբերյալ հասարակության մեջ առկա հարցերին: Դավիթ Գարեջիի գործը ազգային նշանակության հարց է, հետևաբար այստեղ պետք է տրվեն օբյեկտիվ և անկողմնակալ պատասխաններ, դա պետք է անի հետաքննությունը և վերջնական որոշումը պետք է կայացնի դատարանը: Ոչ մի քաղաքական գործիչ, նույնիսկ մեծամասնության անդամ, չի կարող իրեն թույլ տալ այս գործով որևէ որոշում կայացնել: Հետևաբար, այս հարցը մեր կողմից չի քննարկվի քաղաքական բանակցություններում»,- հայտարարել է Արչիլ Թալակվաձեն: