Ոչ մեկ չի պատրաստվում մտնել խորհրդարան, եթե երկու երեք մարդ մտնի դա ոչ մի բան չի փոխում. Խատիա Դեկանոիձե
«Ազգային շարժման» անդամ Խատիա Դեկանոիձեն արձագանքել է խորհրդարանի նախագահ Արչիլ Թալակվաձեի հայտարարությանը և նշել, որ ընդդիմությունը կրկին չի պատրաստվում մտնել խորհրդարան:
Նրա խոսքով, եթե 2-3 մարդ մտնի խորհրդարան, դա ոչինչ չի փոխի:
«Երևի պարոն Արչիլ Թալակվաձեն մտածում և խոսում է այն մասին, ինչ իրականում ցանկանում Բիձինա Իվանիշվիլին և դա միշտ էլ այդպես է եղել: Ես ուզում եմ հավաստիացնել ձեզ, մեր կուսակցության, մեր դաշինքի, ինչպես նաև ամբողջ ընդդիմադիր սպեկտրի անունից, որը մերժել է պատգամավորական մանդատները, ասել, որ ոչ մի դեպքում մեր որոշումը չի կարող փոխվել, քանի դեռ չի իրականանա համաձայնագիրը, որը մենք ներկայացրել ենք: Հետևաբար, ամբողջ պատասխանատվությունն այժմ կառավարության կողմն է և իհարկե, նրանք ավելի շատ տեղ ունեն քաղաքական ճգնաժամը մեղմելու և փոխզիջման գնալու համար: Վստահեցնում եմ, որ ոչ ոք չի պատրաստվում մտնել խորհրդարան, եթե 2-3 հոգի մտնի, դա ոչինչ չի փոխի: Ճնշում հավանաբար կա: Ես ձեզ անկեղծորեն կասեմ, ոչ ոք ինձ մոտ չի եկել»,- հայտարարել է Դեկանոիձեն: