Ուկրաինայի պաշտպանության նախարարությունը պնդում է, որ Ռուսաստանը կարող է տեղեկատվական պատերազմում օգտագործել Ղրիմի Սակի շրջանում տեղի ունեցած պայթյունի փաստը
Ուկրաինայի պաշտպանության նախարարությունը մեկնաբանել է Ղրիմի Սակի շրջանում տեղի ունեցած պայթյունը։ Պայթյունին արձագանքել է պաշտպանության փոխնախարար Անա Մալյարը։
«Ուկրաինայի պաշտպանության նախարարությունը չի կարող պարզել հրդեհի պատճառը, բայց ևս մեկ անգամ հիշեցնում է հրդեհային անվտանգության կանոնների և չճշտված վայրերում ծխելու արգելքի մասին»,- գրել է Մալյարը սոցցանցում։
Նրա խոսքով՝ Ռուսաստանը կարող է միջադեպն օգտագործել տեղեկատվական պատերազմում։
«Մենք չենք բացառում, որ օկուպանտները «պատահաբար» գտնեն ինչ-որ հատկանշական բան՝ «շևրոն», «այցեքարտ» կամ նույնիսկ «ԴՆԹ», – ասել է Մալյարը։
Աննա Մալյարը ուկրաինացիներին կոչ է արել հանգստություն պահպանել և վստահել Ուկրաինայի զինված ուժերին։
Մի քանի ժամ առաջ պայթյուն է որոտացել Ղրիմի Սակի շրջանում։ ՌԴ պաշտպանության նախարարության տվյալներով՝ պայթյունը տեղի է ունեցել Նովոֆյոդորովկա օդանավակայանի մոտ գտնվող զինամթերքի պահեստում։ Վերջին տեղեկություններով՝ միջադեպի հետեւանքով մեկ մարդ մահացել է, հինգը՝ վիրավորվել։