Ուկրաինայի զինված ուժերի գլխավոր շտաբը չի բացառում, որ ռուսական ուժերը կարող են դիվերսիոն գործողություններ իրականացնել ուկրաինական քիմիական օբյեկտների վրա։

Այս մասին ամենօրյա ճեպազրույցում հայտարարել է Ուկրաինայի գլխավոր շտաբի ներկայացուցիչ Պավլո Կովալչուկը։

«Հնարավոր է, որ դիվերսիոն գործողություններ իրականացվեն ուկրաինական քիմիական արդյունաբերության օբյեկտների վրա՝ դրանում լրացուցիչ մեղադրելով Ուկրաինայի զինված ուժերին»,- հայտնել են Ուկրաինայի գլխավոր շտաբից։

Միևնույն ժամանակ, ըստ Ուկրաինայի զինված ուժերի գլխավոր շտաբի, ռուսական ուժերը հարձակողական գործողություններ են իրականացնում Ուկրաինայի արևելյան հատվածում՝ Դոնեցկի և Լուգանսկի շրջանների տարածքում և ցանկանում են լիակատար վերահսկողություն սահմանել օկուպացված ցամաքային միջանցքի վրա։