Ուկրաինայի Դոնեցկ քաղաքում տեղի է ունեցել երեք պայթյուն: Ռուսական մամուլի տեղեկությամբ, երկու պայթյունն իրականացվել է այն հյուրանոցի մերձակայքում, որտեղ բնակվում են ԵԱՀԿ-ի առաքելության ներկայացուցիչները:
Զոհերի և տուժածների մասին տեղեկություն չի տարածվում:
Տարբերակներից մեկով, առաջին պայթյունը տեղի է ունեցել գազի բաշխիչ օբյեկտում: Մամուլում տարածվել է տեղեկություն, որ պայթյուններից հետո քաղաքի կենտրոնում լսվում էին կրակոցի ձայներ:
Դոնեցկը վերահսկում են Ռուսաստանից աջակցվող անջատողականները: