Ուկրաինայի անվտանգության ուժերը խուզարկություն են իրականացրել Դավիթ Արախամիայի գրասենյակում՝ ենթադրաբար կապված Գերագույն ռադայի պատգամավորների կաշառակերության գործի հետ
Ուկրաինական լրատվամիջոցների հաղորդմամբ, Ուկրաինայի անվտանգության ծառայությունները խուզարկություն են իրականացրել «Ժողովրդի ծառա» կուսակցության առաջնորդ Դավիթ Արախամիայի գրասենյակում։
Տեղեկատվությունը հաստատում է Ուկրաինայի Ազգային հակակոռուպցիոն բյուրոյի (NABU) մամուլի ծառայությունը։
Ուկրաինական մեդիայի տվյալներով՝ խուզարկությունը հնարավոր է կապված լինի Գերագույն ռադայի պատգամավորների կաշառման գործի հետ՝ խորհրդարանական քվեարկությունների ժամանակ։
Հակակոռուպցիոն գործակալությունների համաձայն՝ Ուկրաինայի ազգային հակակոռուպցիոն բյուրոն և դատախազությունը բացահայտել են «Գերագույն ռադայի մեկ խորհրդարանական խմբակցության ղեկավարին», որը կաշառք է առաջարկել այլ խմբակցությունների պատգամավորներին։ Կաշառքի դիմաց պատգամավորները պետք է կողմ կամ դեմ քվեարկեին որոշակի օրինագծերին։
Մինչ այս հայտնի էր դարձել, որ նույն գործի շրջանակում Ուկրաինայի հակակոռուպցիոն կառույցները խուզարկություն են իրականացրել նաև «Բատկիվշինա» կուսակցության ղեկավար Յուլիա Տիմոշենկոյի գրասենյակում։