Ուկրաինական լրատվամիջոցների փոխանցմամբ՝ անցած օր ու գիշերվա ընթացքում Դոնբասում երկու ուկրաինացի զինծառայող է զոհվել, չորսը՝ վիրավորվել

10:51, 20.02.2022

Անցած օր ու գիշերվա ընթացքում Դոնբասում երկու ուկրաինացի զինծառայող է զոհվել, չորսը՝ վիրավորվել։ Փետրվարի 19-ի դրությամբ ռուսամետ ուժերը Դոնբասում հրադադարը խախտել են 136 անգամ։

Համապատասխան տեղեկությունը տարածում են ուկրաինական լրատվամիջոցները՝ հենվելով Ուկրաինայի միացյալ ուժերի շտաբի վրա։

Ըստ շտաբի, փետրվարի 20-ի գիշերը հրադադարի ռեժիմի խախտման ութ դեպք է գրանցվել։

Ինչպես հայտարարում է Ուկրաինայի Ազգային անվտանգության և պաշտպանության խորհրդի քարտուղար, Օլեքսի Դանիլովը կրակոցների հետևանքով մի քանի բնակավայրերում վնասվել է ջրամատակարարման համակարգը։ Օլեքսի Դանիլովի խոսքով՝ անջատողականները հետևում են Մոսկվայում գրված սցենարին։

Հեղինակ - edgar barsegyan

Միջազգային

Դոնբաս

ՈՒկրաինա