Պուտինն ընտրեց պատերազմը, աշխարհը Ռուսաստանին պատասխանատվության կենթարկի. Ջո Բայդեն
Պուտինն ընտրեց պատերազմը, աշխարհը Ռուսաստանին պատասխանատվության կենթարկի. Ջո Բայդեն

ԱՄՆ նախագահ Ջո Բայդենը դատապարտել է Ռուսաստանի չարդարացված և անհիմն հարձակումն Ուկրաինայի վրա, – այս մասին Ջո Բայդենը հայտարարել է, այն բանից հետո, ինչ լուրեր են տարածվել Ուկրաինայում պայթյունների մասին:

«Նախագահ Պուտինն ընտրել է կանխամտածված պատերազմ, որը կհանգեցնի մարդկային աղետալի կորուստների և տառապանքների»,- ասել է Բայդենը։

Ըստ Միացյալ Նահանգների նախագահի՝ «Միայն Ռուսաստանն է պատասխանատու մահերի և ավերածությունների համար, որոնք կբերի այս հարձակումը, և ԱՄՆ-ն ու նրա դաշնակիցներն ու գործընկերները կպատասխանեն միասնական և վճռական կերպով»։

«Աշխարհը Ռուսաստանին պատասխանատվության կենթարկի»,- ասել է Բայդենը։

ԱՄՆ-ի նախագահի խոսքով՝ հինգշաբթի երեկոյան նա կդիմի ամերիկացի ժողովրդին և կհայտարարի հետագա հետևանքների մասին, որոնք Վաշինգտոնը և նրա դաշնակիցները կընդունեն Ռուսաստանի դեմ՝ «Ուկրաինայի և համաշխարհային խաղաղության ու անվտանգության դեմ անիմաստ ագրեսիայի պատճառով»։

«Մենք համակարգման մեջ կլինենք ՆԱՏՕ-ի մեր դաշնակիցների հետ՝ ապահովելու ուժեղ, միասնական պատասխան, որը կզսպի Դաշինքի դեմ ագրեսիան»,- ասել է Բայդենը։

Թողնել մեկնաբանություն