Օկուպանտները փորձում են պատերազմի գոնե 100-րդ օրը հասնել այն նպատակներին, որոնց վրա հույս ունեին փետրվարի 24-ից հետո առաջին օրերին,- ամենօրյա տեսաուղերձում ասել է Ուկրաինայի նախագահ Վլադիմիր Զելենսկին։

«Ինչպես և սպասվում էր, իրավիճակը շատ ծանր է։ Օկուպանտները փորձում են պատերազմի 100-րդ օրը հասնել գոնե այն նպատակներին, որոնց վրա հույս ունեին փետրվարի 24-ից հետո առաջին օրերին։ Հետևաբար, նրանք Դոնբասում ունեն հրետանու առավելագույն կենտրոնացում, առավելագույն պահուստներ՝ հրթիռներ, ավիա, ամեն ինչ»,- ասել է Զելենսկին։

Պետության ղեկավարը նշել է, որ Ուկրաինան պաշտպանում է իր տարածքը այնքանով, որքանով թույլ են տալիս առկա պաշտպանական ռեսուրսները։ Նա ասում է, որ ամեն ինչ անում է այս ռեսուրսն ավելացնելու համար։

«Եթե զավթիչները կարծում են, որ Լիմանն ու Սևերոդոնեցկին իրենցն են լինելու, սխալվում են։ Դոնբասը կլինի ուկրաինական, քանի որ դա մենք ենք, դա մեր էությունն է, և եթե նույնիսկ Ռուսաստանը ամենուր ավերածություններ ու տառապանքներ բերի, մենք կվերակառուցենք բոլոր քաղաքներն ու բնակավայրերը»,- ասել է նախագահը։