Վլադիմիր Պուտին. Մեր երկիրը ձգտում է խաղաղության, Կիևը և նրան աջակցող մայրաքաղաքները պատրաստ չեն, մինչ այդ Ռուսաստանը հետևողականորեն կշարունակի հասնել իր նպատակներին
Մենք հավատում ենք, որ օգտակար կլիներ վերադառնալ էական քննարկումներին՝ ուժեղացնելու այն պայմանները, որոնցում հնարավոր կլինի Ուկրաինայում հակամարտության խաղաղ լուծում, և որքան շուտ դա տեղի ունենա, այնքան լավ՝ այս մասին հայտարարեց Ռուսաստանի նախագահ Վլադիմիր Պուտինը։
Ռուսաստանի նախագահի խոսքով՝ ՌԴ-ն բազմիցս առաջարկել է նոր, վստահելի և արդար անվտանգության համակարգ ստեղծել եվրոպական և գլոբալ մակարդակներում։
Պուտինի պնդմամբ՝ Ուկրաինայի շուրջ ստեղծված ճգնաժամը Ռուսաստանի օրինական շահերի երկարաժամկետ անտեսման և ՌԴ անվտանգության համար վտանգների կանխամտածված ձևավորման ուղու ուղիղ հետևանքն է։
Վլադիմիր Պուտինի հայտարարությամբ՝ Ռուսաստանը պատրաստ է վերականգնել հարաբերությունները եվրոպական երկրների հետ։
«Մեր երկիրը ձգտում է երկարաժամկետ և կայուն խաղաղության, որը հուսալիորեն կապահովի բոլորի անվտանգությունը։ Բոլորը, այդ թվում՝ Կիևը և նրա աջակից մայրաքաղաքները, դեռ պատրաստ չեն դրա համար։ Սակայն մենք հույս ունենք, որ այս անհրաժեշտության գիտակցումը վաղ թե ուշ տեղի կունենա։ Մինչ այդ՝ Ռուսաստանը հետևողականորեն շարունակելու է իր նպատակների իրագործումը», – հայտարարել է Վլադիմիր Պուտինը։