Հունգարիայի վարչապետ Վիկտոր Օրբանը հայտարարել է, որ Ուկրաինայի ԵՄ անդամակցությունը չի նշանակում անվտանգության երաշխիք, հետևաբար, անդամակցության և անվտանգության երաշխիքների կապակցումը ավելորդ և վտանգավոր է: Վիկտոր Օրբանը այս մասին գրել է սոցիալական ցանցերում:

«Ապացուցված է, որ Երրորդ համաշխարհային պատերազմի ռիսկը կարող է նվազեցվել միայն Թրամփ-Պուտին հանդիպումով: Ապացուցված է, որ մեկուսացման ռազմավարությունը ձախողվել է: Ապացուցված է, որ ռուս-ուկրաինական հակամարտությունը չի կարող լուծվել առաջնագծում և կարող է լուծվել միայն դիվանագիտական ջանքերով: Ապացուցված է, որ Ուկրաինայի ԵՄ անդամակցությունը չի նշանակում անվտանգության երաշխիք, հետևաբար, անդամակցության և անվտանգության երաշխիքների կապակցումը ավելորդ և վտանգավոր է», – գրում է Վիկտոր Օրբանը:

Օրբանը նաև ողջունում է Թրամփ-Պուտին բանակցությունների ընթացքում ձեռնարկված քայլերը և աջակցում է բանակցային գործընթացի շարունակությանը:

Վիկտոր Օրբանի նախաձեռնությունն այն է, որ ԵՄ-ն հնարավորինս շուտ գումարի Եվրոպա-Ռուսաստան գագաթնաժողով:

Տեղեկության համար, Վոլոդիմիր Զելենսկին նշել է, որ Ուկրաինան ԵՄ անդամակցությունը համարում է անվտանգության երաշխիքներից մեկը։