Վրաստանի արտաքին գործերի նախարարության լրատվությամբ, մայիսի 22-ի տվյալներով, Վրաստանի դիվանագիտական ներկայացուցչությունները տեղում օգնություն են ցուցաբերել արտերկրում գտնվող Վրաստանի 21 146 քաղաքացու, իսկ կառավարության աջակցությամբ հայրենիք է վերադարձվել 12 477 մարդ:

«Վրաստանի արտաքին գործերի նախարարության կայքէջում ամեն օր թարմացվում են տվյալները կորոնավիրուսի տարածման պայմաններում արտասահմանում գտնվող Վրաստանի քաղաքացիների օգնության մասին:

Այս տվյալները պարունակում են երկու տեսակի տեղեկատվություն, մասնավորապես ՝ հայրենիք վերադառնալուց առաջ արտերկրում գտնվող քաղաքացիների խնամքը և նրանց փուլ առ փուլ վերադարձի վիճակագրությունը:

Ինչպես հայտնի է, քաղաքացիների հայրենիք վերադարձի արդյունավետ կազմակերպման և նրանց տեղում օգնություն ցուցաբերելու նպատակով, քաղաքացիները պետք է լրացնեն էլեկտրոնային ձև, որը հրապարակված է նախարարության կայքում և Վրաստանի դիվանագիտական առաքելությունների կայքերում: Նշված հայտում ներկայացված տվյալների մշակումից հետո կկայացվի համապատասխան որոշում»,- ասել են արտգործնախարարությունում: