Վերջին տվյալներով՝ Չեռնիգովում ռուսական հրթիռային հարվածի հետեւանքով զոհվել է յոթ մարդ, վիրավորվել՝ 136-ը
Չեռնիգովում ռուսական հրթիռային հարձակման վայրում ավարտվել է որոնողափրկարարական աշխատանքները։ Վերջին տվյալներով՝ յոթ մարդ զոհվել է, 136-ը՝ վիրավորվել։
Այս մասին Telegram-ի ալիքում գրում է Ուկրաինայի ներքին գործերի նախարար Իգոր Կլիմենկոն։
Կլիմենկոյի խոսքով՝ վիրավորների թվում կա 15 երեխա և 15 ոստիկան։
Հիշեցնենք՝ երեկ կեսօրին, ռուսական ուժերը բալիստիկ հրթիռով գրոհել են Չեռնիգովի կենտրոնը։ Հարվածը հասցվել է դրամատիկական թատրոնի վրա, որտեղ անցկացվում էր անօդաչու թռչող սարքեր արտադրողների և օդային հետախուզության դպրոցների ներկայացուցիչների հավաք։
Ավելի ուշ ռուսական պետական լրատվամիջոցները հայտնել են, որ հարվածի թիրախը եղել է «Ուկրաինայի զինված ուժերի մարտական անօդաչու թռչող սարքերի ռազմական մասնագետների հավաքը»։