Վախթանգ Ցինցաձե․ «Մեր նպատակն է աճող կապվածությունն ու բեռնահոսքերը վերածել ավելի լայն տնտեսական հնարավորությունների»

«Մեր նպատակն է աճող կապվածությունն ու բեռնահոսքերը վերածել ավելի լայն տնտեսական հնարավորությունների», – այս մասին Էկոնոմիկայի և կայուն զարգացման նախարարի տեղակալ Վախթանգ Ցինցաձեն հայտարարել է Բաքվում ընթացող Ադրբեջանի երկրորդ միջազգային ներդրումային ֆորումին իր ելույթի ժամանակ։

Միջոցառումն անցկացվել է Ադրբեջանի նախագահի հովանուներքո։

Խոսելով Միջին միջանցքի հնարավորությունների մասին՝ նախարարի տեղակալը նշել է, որ տարածաշրջանի երկրներն ավելի ու ավելի են գիտակցում, որ Միջին միջանցքի ամբողջական պոտենցիալի իրացումը հնարավոր է միայն համակարգված և համատեղ ջանքերով։

«Տրանսպորտային կապերի ուժեղացումը, առևտրի խթանման բարելավումը, թվային կապվածության զարգացումը և ենթակառուցվածքների ու ծառայությունների ներդաշնակեցումը կենսական նշանակություն կունենան միջանցքն ավելի արդյունավետ, մրցունակ և կայուն համակարգի վերածելու համար։

Խորը տնտեսական ինտեգրման հետ մեկտեղ՝ այս ջանքերը կարող են իրենց նպաստը բերել ավելի անվտանգ և հուսալի արժեշղթաների ստեղծմանը և Կենտրոնական Ասիայի, Հարավային Կովկասի, Թուրքիայի, Եվրոպայի ու Չինաստանի շուկաների միջև սերտ կապերի հաստատմանը։ Համապատասխանաբար, մեր նպատակը պետք է լինի ոչ թե պարզապես տարանցիկ ծավալների ավելացումը, այլ ապահովումը, որ աճող կապվածությունը վերածվի ավելի շատ ներդրումների, նպաստի արտադրողականության և հավելյալ արժեքի աճին ու զբաղվածության նոր հնարավորություններին ամբողջ տարածաշրջանում», – նշել է նախարարի տեղակալը։

Պանելային քննարկմանը Վախթանգ Ցինցաձեի հետ մեկտեղ մասնակցում էին Թուրքմենստանի, Ղազախստանի, Գերմանիայի, Չինաստանի կառավարությունների ներկայացուցիչները, ինչպես նաև «Kibar Holding»-ի և Միջազգային ֆինանսական կորպորացիայի (IFC) ղեկավար անձինք։

Տեղեկությունը տարածում է Էկոնոմիկայի և կայուն զարգացման նախարարությունը։