Քվեմո Քարթլիի ոստիկանությունը առգրավել է վաճառքի համար փաթեթավորված մեթադոնի 24 փաթեթ, ձերբակալվել է երկու անձ
Վրաստանի Ներքին գործերի նախարարության Քվեմո Քարթլիի ոստիկանության դեպարտամենտի Ռուսթավիի քաղաքային բաժնի աշխատակիցները ձերբակալել են երկու անձի՝ նախնական պայմանավորվածությամբ խմբի կողմից թմրանյութերի առանձնապես խոշոր չափի ապօրինի ձեռքբերման և պահպանման մեղադրանքով։
Ներքին գործերի նախարարության հաղորդմամբ, մեղադրյալների անձնական իրերի և տրանսպորտային միջոցի խուզարկության ժամանակ իրավապահ մարմինների աշխատակիցները որպես ապացույց առգրավել են վաճառքի համար նախատեսված մեթադոն թմրանյութի չափազանց մեծ քանակություն, որը փաթեթավորված էր 24 փաթեթում։
Հետաքննությունը շարունակվում է Վրաստանի քրեական օրենսգրքի 260-րդ հոդվածի 2-րդ և 3-րդ մասերով, որը նախատեսում է մինչև 20 տարի կամ ցմահ ազատազրկում։