Վարձակալած աշխատողների համար մայիս ամսվա 200 լարիանոց փոխհատուցումն արդեն տրվել է. Զբաղվածության խթանման գործակալություն
ՀԻԻԱ զբաղվածության խթանման պետական գործակալության տեղեկությամբ, շարունակվում է քաղաքացիներին նպատակային սոցիալական օգնության տրամադրումը, ներառյալ այն անձանց, ովքեր աշխատանքը կորցրել են համավարակի երկրորդ ալիքի հետևանքով:
Գործակալության տվյալներով, մինչ օրս մայիս ամսվա 200 լարիանոց օգնությունը փոխանցվել է 109 086 մարդու, ընդհանուր առմամբ՝ 21 817 200 լարի:
«Ընթացիկ տարվա ընթացքում, հունվար ամսվա փոխհատուցման գումարը փոխանցվել է 106 389 անձի, 21 277 800 լարի չափով. Փետրվար ամսվանը – 140 029 անձի՝ 28 005 800 լարի. Մարտ ամսվանը – 130 683 անձի՝ 26 136 600 լարիի չափով: Ինչ վերաբերում է ապրիլ ամսվան, ապա 200 լարիանոց օգնությունը փոխանցվել է՝ 120 496, ընդհանուր առմամբ՝ 24 099 200 լարիի չափով:
Վրաստանի կառավարության հակաճգնաժամային տնտեսական ծրագրի համաձայն, 2021 թվականի հունվարից վարձակալած աշխատող գործազուրկ մնացած քաղաքացիները, 6 ամսվա ընթացքում ամսական 200 լարի օգնություն կստանան: Որպես տեղեկանք, մնացել է 6-րդ (վերջին) ամսվա փոխհատուցման փոխանցումը, որը Վրաստանի քաղաքացիները կստանան հունիսին», – հայտարարել են զբաղվածության խթանման պետական գործակալությունում: