Վախտանգ Գոմելաուրին հանդիպելու է խորհրդարանում ստեղծված վստահության խմբի անդամներին
Թբիլիսիում, Գաբրիել Սալոսի փողոցում իրականացրած հակաահաբեկչական հատուկ գործողության կապակցությամբ խորհրդարանում ստեղծված վստահության խումբը անց է կացնելու իր առաջին հանդիպումը:
Հանդիպումը սկսվելու է ժամը 21:00-ին:
Խորհրդարանի մամլո ծառայության լրատվությամբ, վստահության խմբի անդամների հետ հանդիպելու է պետական անվտանգության ծառայության ղեկավար Վախտանգ Գոմելաուրին:
Հանդիպմանը ներկա են գտնվելու նաև գերատեսչության այլ պատասխանատու անձինք:
Հիշեցնենք, Գաբրիել Սալովի փողոցում հատուկ գործողությունը տեղի է ունեցել նոյեմբերի 22-ին: Միջոցառումը իրականացրել են ՊԱԾ-ի հակաահաբեկչական դեպարտամենտի աշխատակիցները: Հատուկ գործողության արդյունքում զոհվել է մեկ հատուկ ջոկատային: Ինչ վերաբերում է ահաբեկիչներին, ապա նրանցից մեկը ձերբակալվել էր իսկ երեքը սպանվել, այդ թվում Ախմեդ Չատաև:
Հեղինակ -
Edgar Barsegyan