Թուրքիայում 6,7 բալ ուժգնությամբ երկրաշարժի հետևանքով զոհվել է չորս մարդ: Այս մասին տեղեկությունը տարածում են թուրքական լրատվամիջոցները, հիմնվելով երկրի աղետների գործակալության վրա:
Թուրքական լրատվամիջոցները գրում են, որ ուժգին երկրաշարժի հետևանքով տուժել է 120 մարդ:
Աղետի հետևանքով ամենաշատը տուժել է Թուրքիայի Իզմիր շրջանը, որտեղ երկրաշարժը մեծ ավերածություններ է առաջացրել:
Մարզում ընթանում է որոնողափրկարարական գործողություն: Աղետը փոքր վնասներ է պատճառել Թուրքիայի արևմտյան այլ նահանգներում ՝ Ուսակում, Դենիզլիում, Մանիսայում, Բալիկեսիրում, Այդինում և Մուղլայում: