Շալվա Պապուաշվիլին մեկնել է Սերբիա, որտեղ կմասնակցի Եվրամիության անդամության թեկնածու երկրների խորհրդարանների նախագահների առաջին համաժողովին
Վրաստանի խորհրդարանի նախագահ Շալվա Պապուաշվիլին պաշտոնական այցով մեկնել է Սերբիայի մայրաքաղաք Բելգրադ։
Այցի շրջանակներում խորհրդարանի նախագահը կմասնակցի Եվրամիության անդամության թեկնածու երկրների խորհրդարանների նախագահների առաջին (հիմնադիր) համաժողովին, որն անցկացվում է Սերբիայի և Ուկրաինայի խորհրդարանների նախագահների նախաձեռնությամբ։
Վրաստանի խորհրդարանի տեղեկատվության համաձայն՝ համաժողովի նպատակն է ձևավորել խորհրդարանների նախագահների կանոնավոր և գործուն ձևաչափ, որը նախատեսում է թեկնածու երկրների միջև խորհրդարանական երկխոսության խորացում, տեղեկատվության փոխանակում, դիրքորոշումների համակարգում և փոխադարձ աջակցություն Եվրամիությանն ինտեգրման գործընթացում։
Համաժողովի շրջանակներում Շալվա Պապուաշվիլին հանդես կգա ելույթով և կմասնակցի աշխատանքային նիստերին։
Համաժողովի ավարտին մասնակիցները հանդես կգան համատեղ հայտարարությամբ։