Թուրքիայի զինված ուժերը պատրաստվածության են բերվել՝ Սիրիայում «Քրդստանի աշխատավորական կուսակցության» դեմ հնարավոր գործողության համար
Թուրքիայի զինված ուժերը պատրաստվածության են բերվել՝ Սիրիայում «Քրդստանի աշխատավորական կուսակցության» դեմ հնարավոր գործողության համար։
«Անկարան, որը Սիրիայի նոր վարչակազմին կոչ է անում անհրաժեշտ միջոցներ ձեռնարկել ահաբեկչական կազմակերպության դեմ, շարունակում է պատրաստվել ցանկացած սցենարի։ Սահմանին գտնվող զորքերը պատրաստ են հնարավոր գործողության համար»,- գրում են թուրքական լրատվամիջոցները։
Ըստ տեղեկությունների՝ Անկարան պատրաստվում է բոլոր հնարավոր սցենարներին։
«Դրանցից մեկը ռազմական գործողություններն են»,- գրում են թուրքական լրատվամիջոցները։
Սիրիայում Բաշար Ասադի վարչակարգի տապալումից հետո երկրի հյուսիսում հակամարտություն է սկսվել քրդական ռազմական խմբավորումների և Սիրիայի ազգային բանակի միջև։
Թուրքիան «Քրդստանի աշխատավորական կուսակցությունը» հայտարարել է ահաբեկչական կազմակերպություն։ Թուրքիան Սիրիայում քրդական ստորաբաժանումները համարում է «Քրդստանի աշխատավորական կուսակցության» միավորներ։