Վրաստանի նախագահ Միխեիլ Ղավելաշվիլիի պաշտոնական դիմավորման արարողությունը տեղի է ունեցել Թուրքիայի նախագահ Ռեջեփ Թայիփ Էրդողանի պալատում: Տեղեկատվությունը տարածել է նախագահի աշխատակազմը։

Միխեիլ Ղավելաշվիլիին իր պատվիրակության հետ միասին ընդունել է Թուրքիայի նախագահ Ռեջեփ Թայիփ Էրդողանը։

«Պաշտոնական այցի շրջանակներում նախատեսված է Միխեիլ Ղավելաշվիլիի և Ռեջեփ Թայիփ Էրդողանի հանդիպումը՝ ինչպես անձամբ, այնպես էլ ընդլայնված կազմով, որից հետո համատեղ հայտարարություն կարվի լրատվամիջոցների համար: Վրաստանի նախագահը նաև կհանդիպի Թուրքիայի Մեծ Ազգային ժողովի նախագահ Նուման Քուրթուլմուշի հետ։

Վրացական պատվիրակության կազմում են՝ արտաքին գործերի փոխնախարար Լաշա Դարսալիան, Թուրքիայի Հանրապետությունում Վրաստանի արտակարգ և լիազոր դեսպան Արչիլ Կալանդիան, նախագահի աշխատակազմի ներկայացուցիչներ, Թուրքիայի Հանրապետության խորհրդարանի հետ բարեկամության խմբի ղեկավար և անդամներ՝ Գիորգի Ճղոնիան, Մարիամ Լաշխին, Գուրամ Մաճարաշվիլին», – ասվում է նախագահի աշխատակազմի հաղորդագրության մեջ։