Թեա Ծուլուկիանին հանդիպել է երիտասարդական կազմակերպությունների նախաձեռնող խմբի ներկայացուցիչների հետ
Թեա Ծուլուկիանին հանդիպել է երիտասարդական կազմակերպությունների նախաձեռնող խմբի ներկայացուցիչների հետ

Վրաստանի մշակույթի, սպորտի և երիտասարդության հարցերի նախարար Թեա Ծուլուկիանին և փոխնախարար Սոսո Գիորգաձեն աշխատանքային հանդիպում են ունեցել երիտասարդական կազմակերպությունների նախաձեռնող խմբի ներկայացուցիչների հետ և քննարկել հետագա համագործակցության ծրագրերը:

Ներածական հանդիպման ժամանակ նախաձեռնող խմբի անդամները նախարարին և փոխնախարարին տեղեկացրեցին իրենց գործունեության մասին, խոսեցին Երիտասարդական գործակալության հետ համագործակցության փորձի մասին և քննարկեցին մշակույթի, սպորտի և երիտասարդության ուղղությամբ իրականացված տարբեր ակտիվություններում երիտասարդների առավել շատ ներգրավման մասին:

Նախարարը նախաձեռնության խմբի անդամներին տեղեկացրեց այս առումով նախարարության առաջնահերթությունների և նպատակների մասին և նշեց, որ բոլոր երիտասարդներին, հատկապես 6-15 տարեկան երեխաներին և երիտասարդներին, պետք է ավելի մեծ ուշադրություն դարձնել, որպեսզի նրանք ավելի շատ հասանելիություն ունենան սպորտին, մշակույթին:

Աշխատանքային հանդիպմանը մասնակցում էին Վրաստանի երիտասարդական կազմակերպությունների ազգային խորհրդի, Վրաստանի երիտասարդ աշխատողների ասոցիացիայի, Խաղաղության և զարգացման ակադեմիայի, «Save the Children» Վրաստանի և «Արևոտ տուն» ոչ ֆորմալ կրթության երիտասարդական կենտրոնի ներկայացուցիչները:

Նախարարությունում աշխատանքային հանդիպումները երիտասարդական կազմակերպությունների նախաձեռնող խմբի ներկայացուցիչների հետ ակտիվ կշարունակվեն հետագայում:

Տեղեկատվությունը տարածում է մշակույթի նախարարության մամուլի ծառայությունը:

Թողնել մեկնաբանություն