Կրեմլը շփոթված է, Թրամփը կրկնակի խաղ է խաղում Ռուսաստանի հետ, – այս մասին հոդված է հրապարակում The Times-ը։

Հրապարակման համաձայն՝ Մոսկվան դեռ չի որոշել՝ ուրախանա՞լ Դոնալդ Թրամփի համար, թե՞ անհանգստանալ նրա անկանխատեսելի քաղաքականությունից։

The Times-ի հոդվածի համաձայն՝ Ռուսաստանի, ԱՄՆ-ի և Ուկրաինայի միջև Արաբական Միացյալ Էմիրություններում բանակցությունները դեռևս հստակ արդյունքներ չեն տվել, բայց արդեն իսկ պարզ է, որ Մոսկվան ճնշման տակ է ԱՄՆ նախագահի կողմից։

Հրապարակումը գրում է, որ տարածված կարծիք կա, որ Կրեմլի համար Թրամփը և՛ պոտենցիալ դաշնակից է, և՛ մարտահրավեր։

«Մի կողմից՝ նա պատրաստ է օգտագործել իր ազդեցությունը՝ Մոսկվային զիջումների գնալու ստիպելու համար, բայց մյուս կողմից՝ նրա անկանխատեսելի և հաճախ եսասիրական քաղաքականությունը ռիսկեր է ստեղծում։ Ռուսաստանին զիջումները ուղեկցվում են Կրեմլի դաշնակիցների վրա կոշտ ճնշմամբ՝ պատժամիջոցներից մինչև Վենեսուելայում և Իրանում միջամտություններ», – ասվում է հոդվածում։

Լրատվամիջոցների հաղորդագրությունների համաձայն՝ չնայած Դոնալդ Թրամփի ակնհայտ համակրանքին Ռուսաստանի և Վլադիմիր Պուտինի նկատմամբ, ԱՄՆ նախագահի նավթի գների իջեցման մոլուցքը վնասակար է Կրեմլի համար։ «Թայմս»-ը գրում է, որ Կրեմլի կարողությունը ֆինանսավորելու Ուկրաինայում պատերազմը կախված է նավթից և գազից ստացված եկամուտներից։ Վերջերս այդ եկամուտները նվազում են ոչ միայն պատժամիջոցների, այլև համաշխարհային ածխաջրածնային գների ընդհանուր անկման պատճառով։