Թբիլիսիում, այսօր բացվել է ՆԱՏՕ-Վրաստան ժողովրդական դիվանագիտության երկօրյա համաժողովը:
Միջոցառումը բացել է փոխվարչապետ, արտաքին գործերի նախարար Միխեիլ Ջանելիձեն:
ՆԱՏՕ-ի Բրյուսելյան գագաթնաժողովի թեմայով հիմնական զեկուցողներն են լինելու՝ Վրաստանի նախագահ Գիորգի Մարգվելաշվիլին, վարչապետ Գիորգի Կվիրիկաշվիլին, խորհրդարանի նախագահ Իրակլի Կոբախիձեն, Եվրոպայի և Եվրասիայի հարցերով ԱՄՆ-ի պետքարտուղարի օգնական Վես Միտչելը և ՆԱՏՕ-ի ժողովրդական դիվանագիտության հարցերով դաշինքի գլխավոր քարտուղարի տեղակալի օգնական Թաջան Իլդեմը:
ՆԱՏՕ-Վրաստան ժողովրդական դիվանագիտության համաժողովի առաջին նստաշրջանը վերաբերելու է, ՆԱՏՕ-Վրաստան զարգացող համագործակցությանը, Վրաստանի հեռանկարներին, մարտահրավերներին և ՆԱՏՕ-ին անդամագրվելու ճանապարհին գոյություն ունեցող հաջողություններին, ինչպես նաև քննարկելու են Բրյուսելի գագաթնաժողովի համար քաղաքական և անվտանգության օրակարգին վերաբերող հարցեր:
Առաջին նստաշրջանից հետո կայանալու է ՝ Վրաստանի փոխվարչապետ, արտաքին գործերի նախարար Միխեիլ Ջանելիձեի և ԱՄՆ-ի պետքարտուղարի օգնական Վես Միտչելի երկկողմ հանդիպումը: Հանդիպման ավարտից հետո կողմերը հայտարարություններ կանեն մամուլի համար:
ՆԱՏՕ-Վրաստան ժողովրդական դիվանագիտության համաժողովի երկրորդ նստաշրջանին քննարկելու են նոր լրատվական միջավայրում ժողովրդական դիվանագիտության հարցը: Երրորդ նստաշրջանին քննարկման հիմնական թեման լինելու է՝ տարածաշրջանում ՆԱՏՕ-ի հաղորդակցության ռազմավարությունը:
Համաժողովը բացվել է «Ռեդիսոն Բլու Իվերիա» հյուրանոցում և փակվելու է վաղը:
