ԱՄՆ-ում Վրաստանի արտակարգ և լիազոր դեսպան Թամար Տալիաշվիլին մասնակցել է ԱՄՆ պետական արձանագրության ղեկավար, դեսպան Մոնիկա Կրաուլիի պատվին կազմակերպված միջոցառմանը։ Այս մասին Տալիաշվիլին գրել է սոցիալական ցանցում։

Նրա խոսքով՝ հանդիպման շրջանակներում քննարկվել է կանանց դերը միջազգային հարաբերություններում և դիվանագիտությունում։

«Ուրախ եմ, որ մասնակցեցի ԱՄՆ պետական արձանագրության ղեկավար, դեսպան Մոնիկա Կրաուլիի պատվին կազմակերպված միջոցառմանը։ Հանդիպման ընթացքում մենք խոսեցինք միջազգային հարաբերություններում և դիվանագիտությունում կանանց դերի կարևորության մասին։ Միջոցառմանը, իմ հետ միասին, ներկա էին նաև ԱՄՆ-ում հավատարմագրված դիվանագիտական առաքելությունների կին ղեկավարներ, ԱՄՆ-ում Իռլանդիայի և Ռուանդայի դեսպանների հյուրընկալությամբ։

Նշանակալից է, որ դեսպան Մոնիկա Կրաուլին ոչ միայն հաջողակ և ճանաչված պետական գործիչ է, այլև՝ վառ և հայտնի հեղինակ։ Ցանկանում եմ շնորհակալություն հայտնել նրան իր հրատարակած գրքում թողած ստորագրության և ջերմ գրառման համար», – գրել է Տալիաշվիլին։