Խորհրդարանական մեծամասնության անդամ, Թամար Տալիաշվիլիի հայտարարությամբ, բացի քաղաքական հարցերից, մեծամասնության նիստում քննարկվելու են հուլիսի 5-6-ը տեղի ունեցող իրադարձությունները: Այս մասին Տալիաշվիլին լրագրողներին հայտնել է նիստից առաջ:

«Մենք կխոսենք խորհրդարանի օրակարգային հարցերի, ընթացիկ քաղաքական զարգացումների մասին, և, իհարկե, անպայման կխոսենք առաջիկա տեղական ինքնակառավարման մարմինների ընտրությունների մասին: Մեր քաղաքական թիմը հավաքվում է սիստեմատիկ կերպով և անցկացնում է մեծամասնության հանդիպումներ:

«Այդ թվում կխոսենք հուլիսի 5-6-ի իրադարձությունների, ինչպես նաև Եվրամիության հանձնակատար Օլիվեր Վարհեյի շատ կարևոր այցի և Վրաստանին եվրոպական աջակցության փաթեթի մասին, որը հնչեցրեց եվրահանձնակատարը Վրաստանում իր հանդիպումներից հետո», – հայտարարել է Տալիաշվիլին: