Սվեն Միքսեր – Հուսով ենք, որ 12 հանձնարարականների իրականացումը կլինի լավ համակարգված գործընթաց, որտեղ բոլոր քաղաքական ինստիտուտները կունենան իրենց դերը
Եվրախորհրդարանի պատգամավոր Սվեն Միքսերը հույս ունի, որ Եվրահանձնաժողովի 12 կետից բաղկացած հանձնարարականների իրականացման գործընթացը լավ կհամակարգվի։
Ինչպես նշել է Միքսերը, առաջարկությունների իրականացման ծրագիր ունեն և՛ իշխող կուսակցությունը, և՛ ընդդիմությունը, կարծիքներ ունեն հասարակական կազմակերպությունները։
«Կարծում եմ՝ մենք շատ պարզ էինք։ Իշխող կուսակցությունը կարծես ծրագիր ունի, ընդդիմադիր կուսակցությունը նույնպես, և հավանաբար մեկից ավելին: ՀԿ-ները գաղափարներ ունեն, թե ինչպես աշխատել այս 12 առաջարկությունների իրականացման ուղղությամբ: Հուսով ենք, որ սա լավ համակարգված գործընթաց է լինելու, և բոլոր քաղաքական ինստիտուտները պետք է իրենց դերը ստանան: Կարծում եմ՝ նախագահը, խորհրդարանը, խորհրդարանի նախագահը դերակատարում ունեն, բայց կարևոր է, որ դա լինի ներառական և տեխնիկական գործընթաց։ Կան որոշ խնդիրներ, որոնք դժվարացնում են առաջընթացը չափելը, բայց դա կարելի է գնահատել: Դրանցից մեկն ապաբևեռացումն է, և դա ենթադրում է, որ գործընթացը պետք է լինի ներառական»,- ասել է Սվեն Միքսերը։
Ինչ վերաբերում է ապաօլիգարխացման հարցին, ապա, ըստ եվրոպացի պատգամավորի, այն համակարգված մոտեցման կարիք ունի։
«Օլիգարխացման մասով պետք է մոտենալ որպես համակարգային խնդրի։ Սա ներառում է նաև ներառականությունը, առանցքային պաշտոններում կարևոր նշանակումները կատարվում են այնպես, որ թափանցիկ լինի և թույլ չի տալիս որևէ մեկին, ոչ մի կառույցի կամ քաղաքական կուսակցության մենաշնորհել գործընթացը: Կարծում եմ՝ սա համակարգային խնդիր է»,- ասել է Սվեն Միքսերը։
Վրաստանում է գտնվում Եվրախորհրդարանի պատգամավորների պատվիրակությունը, որի կազմում են Դեյվիդ Մակքալիսթերը, Զելիանա Զովկոն, Վիոլա ֆոն Կրամոնը, Սվեն Միքսերը, Թիերի Մարիանին և Ասիտա Կանկոն։