Սթիվ Ուիթքոֆ. Իսրայելցիների մեծամասնությունը ցանկանում է, որ պատանդները վերադառնան տուն, Գազայի բնակիչների մեծամասնությունը ցանկանում է, որ բանտարկյալները վերադառնան, հաղթանակ չկա առանց բոլորի տուն վերադառնալու
ԱՄՆ Մերձավոր Արևելքի հատուկ ներկայացուցիչ Սթիվ Ուիթքոֆը իսրայելցի պատանդների ընտանիքներին ասել է, որ և՛ իսրայելցիները, և՛ Գազայի բնակիչները պահանջում են գերիների վերադարձը։
Սթիվ Ուիթքոֆի խոսքով՝ բանակցությունները պետք է այժմ կենտրոնանան պատերազմի ավարտի և պատանդների տուն վերադարձի վրա։
«Իսրայելցիների մեծամասնությունը պահանջում է պատանդների տուն վերադարձը։ Գազայի բնակիչների մեծամասնությունը պահանջում է գերիների վերադարձը։ Հաղթանակ չկա, եթե բոլորը տուն չվերադառնան։ Դուք բոլորդ դարձել եք իմ ընտանիքի մի մասը», – ասել է Ուիթքոֆը պատանդների ընտանիքների հետ հանդիպման ժամանակ։
Տեղեկատվության համար՝ Մերձավոր Արևելքի ԱՄՆ հատուկ ներկայացուցիչ Սթիվ Ուիթքոֆը հանդիպել է իսրայելցի գերիների ընտանիքների հետ Թել Ավիվում։ Տեղական լրատվամիջոցների փոխանցմամբ՝ հանդիպումը տևել է մոտ երեք ժամ։
