«Sky News» – Գերմանիայի և Ֆրանսիայի արտաքին գործերի նախարարները, ամենայն հավանականությամբ, չեն մասնակցի Լոնդոնում Ուկրաինայի հարցով բանակցություններին
Գերմանիայի և Ֆրանսիայի արտաքին գործերի նախարարները, ամենայն հավանականությամբ, չեն մասնակցի Լոնդոնում Ուկրաինայի հարցով նախատեսված բանակցություններին, – գրում է «Sky News»-ը։
Լոնդոնում հանդիպումներ Ուկրաինայի, Ֆրանսիայի և Գերմանիայի արտաքին գործերի նախարարների հետ նախատեսում էր ԱՄՆ պետքարտուղար Մարկո Ռուբիոն, սակայն ԱՄՆ Պետդեպարտամենտը հաստատել է, որ Ռուբիոն չի մասնակցի բանակցություններին։
«Sky News»-ի հաղորդմամբ՝ այս տեղեկության հաստատումից հետո, ամենայն հավանականությամբ, Ֆրանսիայի և Գերմանիայի նախարարները ևս չեղարկել են իրենց այցը։
«Երբ այս տեղեկությունը հայտնի դարձավ, Փարիզը և Բեռլինը, ըստ ամենայնի, նույնպես փոխեցին իրենց ծրագրերը։ Կա հույս, որ նախարարների մակարդակով հանդիպում դեռ կկայանա մոտ ապագայում», – նշվում է հոդվածում։
Բանակցությունները Լոնդոնում կկայանան այսօր, որտեղ առաջնորդները կքննարկեն հրադադարի հնարավոր քայլերը Ռուսաստան-Ուկրաինա պատերազմում։ Հանդիպմանը կմասնակցի Ուկրաինայի հարցերով նախագահ Դոնալդ Թրամփի հատուկ ներկայացուցիչ, գեներալ Քիթ Քելոգը։ Բացի այդ, Ուկրաինայի արտաքին գործերի նախարար Անդրեյ Սիբիգան հանդիպում կունենա Մեծ Բրիտանիայի արտգործնախարար Դեյվիդ Լեմիի հետ։