Շվեյցարիայի դեսպանատան ռուսական շահերի բաժինը կոչ է անում Ռուսաստանի քաղաքացիներին գնահատել ռիսկերը Վրաստան այցելելուց առաջ
Շվեյցարիայի դեսպանատան Ռուսաստանի Դաշնության շահերի բաժինը կոչ է անում Ռուսաստանի քաղաքացիներին զգուշություն ցուցաբերել և կշռադատել ռիսկերը Վրաստան այցելելուց առաջ։
Նրանց տվյալներով՝ աճել է Վրաստան մուտք գործելու մերժման դեպքերի թիվը Ռուսաստանի Դաշնության այն քաղաքացիների համար, որոնց անձնագրերում ծննդավայրը նշված է որպես «Ուկրաինայի Խորհրդային Սոցիալիստական Հանրապետություն, Աբխազիայի Ինքնավար Խորհրդային Սոցիալիստական Հանրապետություն, Հարավային Օսիա, Ղրիմ, Դոնեցկի Ժողովրդական Հանրապետություն, Լուգանսկի Ժողովրդական Հանրապետություն, Զապորոժիեի և Խերսոնի մարզեր»։
«Ստեղծված իրավիճակում, երբ Վրաստանի սահմանային իշխանությունների գործողությունները անորոշության տարր են մտցնում Ռուսաստանի քաղաքացիների Վրաստանում հանգստանալու ծրագրերում, մենք խստորեն խորհուրդ ենք տալիս այնտեղ մեկնել ցանկացող մեր քաղաքացիներին ուշադիր կշռադատել բոլոր հանգամանքները և հնարավոր ռիսկերը», – ասվում է հայտարարության մեջ։