«Մեկ տարի առաջ՝ հոկտեմբերի 26-ին, Վրաստանի ժողովրդից խլեցին ժողովրդավարությունն ու երկրի ուղին դեպի Եվրամիություն», – այս մասին իր տեսաուղերձում հայտարարել է Շվեդիայի խորհրդարանի Եվրոպական հարցերով կոմիտեի նախագահ Էրիկ Օտոսոնը։

«Մենք ցանկանում ենք վերահաստատել մեր շարունակական աջակցությունը վրացի ժողովրդի ձգտումներին՝ ժողովրդավարության, ազատության և եվրոպական ապագայի ուղղությամբ։ Մենք տեսնում ենք ամենօրյա բողոքի ակցիաները Ռուսթավելիի պողոտայում՝ որպես Վրաստանի ապագայի հույսի փարոս, և մենք ձեր կողքին ենք», – ասել է Օտոսոնը։

Տեսաուղերձին միացել են նաև Սլովակիայի խորհրդարանի, Լեհաստանի սեյմի և սենատի, Լիտվայի, Լատվիայի, Էստոնիայի խորհրդարանների եվրոպական հարցերով կոմիտեների, Լյուքսեմբուրգի խորհրդարանի արտաքին և եվրոպական գործերի կոմիտեի, Ֆինլանդիայի եվրոպական հարցերով կոմիտեի, ինչպես նաև Ավստրիայի խորհրդարանի արտաքին գործերի կոմիտեի նախագահները։ Տեսաուղերձին միացել է նաև Շվեդիայի արտաքին գործերի նախարար Մարիա Մալմեր Ստեներգարդը։