Շալվա Պապուաշվիլին հանդիպել է Եվրախորհրդարանի արտաքին հարաբերությունների հանձնաժողովի նախագահի և անդամների հետ
Վրաստանի խորհրդարանի նախագահ Շալվա Պապուաշվիլին հանդիպել է Եվրախորհրդարանի արտաքին հարաբերությունների հանձնաժողովի (AFET) նախագահ Դեյվիդ Մակքալիսթերի և հանձնաժողովի անդամների հետ։
Շալվա Պապուաշվիլին երախտագիտություն է հայտնել Վրաստանի տարածքային ամբողջականության և եվրոպական ապագայի համար Եվրախորհրդարանի աջակցության համար։ Խորհրդարանի նախագահն ընդգծել է Վրաստանին եվրոպական հեռանկար տրամադրելու վերաբերյալ Եվրոպական խորհրդի որոշումը։
Կողմերը հանգամանորեն քննարկել են Վրաստանի՝ Եվրամիությանն ինտեգրվելու և Եվրահանձնաժողովի կողմից ներկայացված 12 հանձնարարականների կատարման հարցը։
Ի պատասխան Եվրախորհրդարանի պատվիրակության հարցին՝ Շալվա Պապուաշվիլին նշել է, որ Վրաստանն արդեն սկսել է առաջարկությունների կատարման գործընթացը, և որ Վրաստանի խորհրդարանը առաջիկա վեց ամսում կշարունակի ակտիվորեն աշխատել դրանց կատարման ուղղությամբ։
Տեղեկությունը տարածում է Վրաստանի խորհրդարանի մամուլի ծառայությունը։