Սերգեյ Լավրովի խոսքով՝ Պուտինը պատրաստ է հանդիպել Զելենսկիի հետ, եթե բոլոր հարցերը, որոնք պետք է քննարկվեն ամենաբարձր մակարդակով, լավ մշակվեն։

Ռուսաստանի արտաքին գործերի նախարարը այս մասին հայտարարել է Մոսկվայում՝ իր հնդիկ գործընկերոջ հետ հանդիպումից հետո։

Լավրովը կրկին հայտարարել է, որ Ռուսաստանը աջակցում է 2022 թվականին Ստամբուլում համաձայնեցված անվտանգության երաշխիքների սկզբունքներին և մնացած ամեն ինչ համարում է անօգուտ ձեռնարկ։

Ռուսաստանի արտաքին գործերի նախարարը նաև ասել է, որ Կիևը ցանկանում է խաթարել Թրամփի կողմից ձեռնարկվող հարաբերությունների կարգավորման ջանքերը։

Բացի այդ, Լավրովը նշել է, որ Եվրոպան առաջարկում է արտաքին միջամտություն Ուկրաինայի տարածքում, և դա «բացարձակապես անընդունելի» է Մոսկվայի համար։

«Ինչ վերաբերում է այսպես կոչված կամավորների կոալիցիային առաջնորդող դրդապատճառներին, ես տեսնում եմ բազմաթիվ նշաններ, որ այս գործունեությունն ուղղված է Ալյասկայի գագաթնաժողովում հստակ ուրվագծված առաջընթացը խաթարելուն», – ասել է Լավրովը։

Նա ասել է, որ երբ Զելենսկին ելույթ է ունենում Պուտինի հետ համատեղ գագաթնաժողովում, նա «փորձում է խաթարել կարգավորման ջանքերը, և դա անում է «Կվարտալ 95» կատակերգական շոուի նման հնարքներով»։

Լավրովը նաև ասել է, որ «երբ և եթե խոսքը հասնի Ուկրաինայի հետ ապագա համաձայնագրերի ստորագրման մասին, ապա կառաջանա ուկրաինական կողմից ստորագրողների լեգիտիմության հարցը»։