Սերգեյ Լավրով. Այն, ինչ մենք հիմա տեսնում ենք, ավելի ու ավելի մասշտաբային հակամարտության վերածվելու նշաններ ունի, որն ոմանք արդեն անվանել են «նոր համաշխարհային պատերազմ»
Այն, ինչ մենք հիմա տեսնում ենք, ունի ավելի լայնածավալ հակամարտության վերածվելու նշաններ, որն արդեն ոմանք անվանել են «Նոր համաշխարհային պատերազմ»։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը։
Լավրովն ասել է, որ ԱՄՆ-ն և Իսրայելը փորձում են Պարսից ծոցի արաբական պետություններին դրդել Իրանի դեմ։
«ԱՄՆ-ն և Իսրայելը փորձում են խոչընդոտել Իրանի և նրա հարևանների միջև հարաբերությունների կարգավորմանը և նույնիսկ Պարսից ծոցի համագործակցության խորհրդի անդամներին տրամադրել Իսլամական Հանրապետության դեմ», – նշել է Լավրովը։
Ռուսաստանի արտաքին քաղաքական գերատեսչության ղեկավարի խոսքով՝ Մոսկվան պատրաստ է միջնորդություն և այլ տեսակի օգնություն ցուցաբերել Պարսից ծոցում ճգնաժամը դիվանագիտական ճանապարհով լուծելու համար։
«Մենք անընդունելի ենք համարում ռազմական ուժի կիրառումը խաղաղ բնակչության և քաղաքացիական ենթակառուցվածքների դեմ, լինի դա Իրանում, թե Պարսից ծոցի համագործակցության խորհրդի երկրներում, որոնք նույնպես կրում են այս իրավիճակի լուրջ և բացասական հետևանքները», – ընդգծել է Լավրովը։