Սենատի և Ներկայացուցիչների պալատի դեմոկրատների առաջնորդներ՝ Չակ Շումերը և Հաքիմ Ջեֆրիսը պաշտպանում են Քամալա Հարիսի առաջադրումը որպես կուսակցության նախագահի թեկնածու
Միացյալ Նահանգների Կոնգրեսի երկու դեմոկրատ առաջնորդներ պաշտպանել են փոխնախագահ Քամալա Հարիսի իրենց կուսակցության նախագահի թեկնածու դառնալու գաղափարը։
Այս որոշման մասին լրագրողների հետ զրույցում հայտարարել են Սենատի Դեմոկրատական կուսակցության առաջնորդ Չակ Շումերը և Ներկայացուցիչների պալատի «դեմոկրատների» առաջնորդ Հաքիմ Ջեֆրիսը։
Չակ Շումերի կարծիքով՝ Քամալա Հարիսը կկարողանա հաղթել Դոնալդ Թրամփին և դառնալ Ամերիկայի հաջորդ նախագահը։
«Քամալա Հարիսն ասաց, որ կաշխատի մեր կուսակցության աջակցությունը շահելու համար, և դա արեց արագ: Փոխնախագահ Հարիսը իսկապես տպավորիչ աշխատանք է կատարել»,- ասել է Սենատի Դեմոկրատական կուսակցության առաջնորդ Չակ Շումերը։