Սալոմե Զուրաբիշվիլին հանդիպել է «Paramount Pictures» կինոարտադրող ընկերության ղեկավարին
Վրաստանի նախագահ Սալոմե Զուրաբիշվիլին Նյու Յորքում հանդիպել է «Paramount Pictures» կինոարտադրող ընկերության ղեկավար Ջիմ Գիանոպուլոսին: Այս մասին Զուրաբիշվիլին գրում է «Թվիթեր» սոցիալական ցանցում:
Հանդիպումը կայացել է գործարար Մայք Բլումբերգի կողմից կազմակերպված գլոբալ բիզնես-ֆորումի շրջանակներում: Խոսքը վերաբերել է «Նկարահանիր Վրաստանում» ծրագրի ապագային և հուլիվուդյան ընկերությունների կողմից Վրաստանում ֆիլմերի նկարահանման հեռանկարին:
Սալոմե Զուրաբիշվիլին այսօր Նյու Յորքում խոսքով դիմելու է ՄԱԿ-ի գլխավոր վեհաժողովի մասնակիցներին: