Սալոմե Զուրաբիշվիլի. Զուրայի մահը որբացրեց ոչ միայն «Վրացական ձայները», այլև մեր երկրի բոլոր երաժշտական խմբերն ու համույթները
Վրաստանի նախագահ Սալոմե Զուրաբիշվիլին վշտակցություն է հայտնում «Վրացական ձայների» մենակատար Զուրաբ Բակուրաձեի մահվան կապակցությամբ: Զուրաբիշվիլին այդ մասին գրում է սոցցանցում:
«Ես հայտնում եմ իմ ցավակցությունը տաղանդավոր մարդու, «Վրացական ձայներ» համույթի երիտասարդ մենակատար Զուրա Բակուրաձեի մահվան կապակցությամբ:
Զուրայի մահը որբացրեց ոչ միայն «Վրացական ձայները», այլև մեր երկրի բոլոր երաժշտական խմբերն ու համույթները, ևս մեկ տարբերվող ձայն պակասեց վրացական բազմաձայնությունից:
Ցավակցում եմ նրա ընտանիքին, ընկերներին, գործընկերներին և համայն Վրաստանին», – գրել է Սալոմե Զուրաբիշվիլին:
«Վրացական ձայների» մենակատար Զուրաբ Բակուրաձեն մահացել է դժբախտ պատահարի հետևանքով: