Ինչ-որ անիմաստ սադրանք է, ինչ մեզ համար կազմակերպում է «քաղաքապետը», որը ծրագրել է վաղը, ժամը 7-ին երեխաների հետ իբր վառել տոնածառի լույսերը,- այս մասին Օրբելիանիների պալատում կայացած ճեպազրույցում հայտարարել է Վրաստանի նախագահ Սալոմե Զուրաբիշվիլին։

Նրա խոսքով՝ վաղվա օրվա պատասխանատվությունն ամբողջությամբ դրված է Թբիլիսիի քաղաքապետի վրա։

«Դա բացահայտ սադրանք է, քանի որ երկու շաբաթ շարունակ այդ վայրում բողոքի ակցիա է, իսկ վաղը, քանի որ խորհրդարանում պարոդիա է անցկացվում, անկասկած, այդ օրը շատ մեծ բողոք է լինելու։ Բոլորս էլ շատ լավ հասկանում ենք, թե դա ինչ է նշանակում, ինչու է դա արվում և ինչ նպատակ ունի վաղը, ժամը յոթին խորհրդարանի դիմաց այդ վայրում կազմակերպել այս միջոցառումը։ Ի դեպ, բժիշկներն իրենք են ասում, որ Ռուսթավելիի շենքերի ճակատներն արդեն գազով են թաթախված, ծառերն էլ են, ու երեխաներին այնտեղ բերելը, հավանաբար, ցանկալի չէ։ Քաղաքապետին ուզում եմ զգուշացնել, որ իր այս սադրանքը, հավանաբար, ոչնչի չի հանգեցնի, քանի որ վաղը-մյուս օրը քաղաքում տարածված բողոքի ակցիան շատ խաղաղ է, և հավանաբար իրենք կկարողանան խուսափել այս սադրանքից։ Քաղաքապետին ուզում եմ ասել՝ եթե վաղը սադրանք չլինի, Բարբարոբա է գալիս, ինչը շատ ավելի բնական է։ Առաջարկում եմ, որ այստեղ՝ Օրբելիանիների պալատի դիմաց, որտեղ նա ճաղեր է դրել և երեխաների համար խաղալիքներ, երեխաներին բերի և Օրբելիանիների պալատի դիմաց կազմակերպի այն միջոցառումը, որը պատրաստվում էր անել խորհրդարանի պալատի դիմաց։ Բայց ինչ էլ որ լինի, եթե ինչ-որ բան լինի, պատասխանատվությունն ամբողջությամբ անձամբ նրա վրա է լինելու»,- ասել է Զուրաբիշվիլին։