Սալոմե Զուրաբիշվիլի. Ես ամեն ինչ ասել եմ և հիմա գնում եմ աշխատանքի
Վրաստանի նախագահ Սալոմե Զուրաբիշվիլին կարճ ժամանակով եկել է Ռուսթավելի պողոտայում խորհրդարանի դիմաց անցկացվող հանրահավաքին։
Ցույցի մասնակիցները Զուրաբիշվիլիին ողջունել են բացականչություններով։
Ավելի ուշ Սալոմե Զուրաբիշվիլին Ռուսթավելի պողոտայից ոտքով հասել է նախագահական պալատ։
«Ես ամեն ինչ ասել եմ և հիմա գնում եմ աշխատանքի»,- լրագրողներին ասել է Զուրաբիշվիլին։
Ընտրական կոլեգիան այսօր կընտրի Վրաստանի վեցերորդ նախագահին։
Նախագահական ընտրություններին զուգահեռ Վրաստանի խորհրդարանի մոտ բողոքի ակցիա է ընթանում։ Օրենսդիր մարմնի մոտ հավաքվածներն ասում են, որ օրենսդիր մարմնում նախագահի ընտրության ընթացակարգը ոչ լեգիտիմ է, քանի որ խորհրդարանն ինքը նույնպես լեգիտիմ չէ։